Mánáidgárddit, skuvllat ja skuvllaastoáiggefálaldagat

 

  • Lea ain gáibádus ahte doaibma dahkko njoammueastadanfágalaš dohkálaččat.
  • Dat mearkkaša praktihkalaččat ahte skuvllat ja mánáidgárddit leat ruoná dásis dás rájes.

 

Alit oahppoásahusat

  • Lea ain gáibádus ahte doaibma dahkko njoammueastadanfágalaš dohkálaččat.
  • Ráđđehus ávžžuha ahte allaskuvllat, universitehtas ja fágaskuvllat láhčet dan ovdii ahte studeanttat sáhttet čuovvut oahpahusa fysalaččat.
  • Alit oahppoásahusat eai dárbbaš čuovvut ávžžuhusa doallat 1 mehtera gaskka oahpahusas.

 

Organiserejuvvon valáštallan ja astoáiggedoaimmat

  • Buot organiserejuvvon valáštallan ja astoáiggedoaimmatsáhttet dahkkot nu mo dábálaččat.

 

Bargoeallin

  • Ráđđehus ávžžuha ahte olbmot dollet 1 mehtera gaskka nuppiide
  • Ráđđehus ávžžuha ahte bargoaddi ieš árvvoštallá man ollu ovttaskas bargosadjái lea riekta geavahit ruovttukantuvrra. Go dát árvvoštallan galgá dahkkot berre bargoaddi deattuhit man jáhkehahtti lea ahte šaddá njoammu bargosajis ja man hearki doaimmahat lea jus olusat oktanaga jávket buozalmasvuođa geažil.
  • Bargoaddit berrejit váldit vuhtii ahte galgá leat vejolaš doallat gaskka bargosajis.

 

Guossohanbáikkit

  • Dál ii leat šat guossuhangielddus guossuhanbáikkiin
  • Iige šat gáibiduvvo ahte guossuhuvvo bevddiin
  • Guossuhanbáikkit galget láhčit dan ovdii vai buohkat sáhttet doallat 1 mehtera gaskka earáide, earret sin geaiguin orrot ja vástideaddji lagaš olbmuide.
  • Guossuhanbáikkit eai sáhte lágidit doaimmaid mat lunddolaččat dagahit ahte lea unnánat gaska gussiid gaskkal go 1 mehter, ovdamearkka dihte dánsun.

 

Lágideamit ja čoahkkaneamit

  • Eai leat ráddjejumit dan ektui man galle guossi dus sáhttet leat ruovttus, dahje man galles sáhttet leat priváhta dahje almmolaš čoahkkanemiin.
  • Lea ain gáibádus ahte doaibma dahkko njoammueastadanfágalaš dohkálaččat (loga dás vuolábealde)
  • 1-mehtergáibádus ii gusto olbmuide geat leat mearriduvvon čohkkánsajiin.
  • Dat mearkkaša ahte lea vejolaš deavdit buot sajiid sálas go geahččit čohkkájit mearriduvvon sajiin.

 

Iskan, njoammu ja isolašuvdna

  • Dál lea isolerenáigi njeallje beaivvi sidjiide geaidda dávda lea njommon.
  • Go dávda lea dutnje njommon, de sáhtát loahpahit isolašuvnna njeallje beaivvi maŋŋá, jus dus 24 diibmui ii leat leamaš feber.
  • Sii, geat orrot seamma stobus ja vástideaddji lagašolbmot olbmui geasa dávda lea njommon, eai leat šat geatnegáhtton leat njoammuerremis 
  • Ráđđehus ávžžuha ahte don gii orut dahje leat vástideaddji lagaš soapmásii geasa dávda lea njommon, válddát iežasiskosa juohke beaivvi vihtta jándora dan rájes go ovddit háve lei lagašoktavuohta suinna geasa dávda lea njommon.
  • Jus it sáhte doallat gaskka sutnje geasa dávda lea njommon, ávžžuha ráđđehus ahte válddát iskosa juohke beaivvi isolašuvdnaáigodaga ja dasa lassin vihtta beaivvi dan maŋŋá - oktiibuot ovcci beaivvi.
  • Earret dán leat dušše sii, geain leat dávdamearkkat, geat berrejit váldit iskosa.
  • Ráđđehus ávžžuha ahte sii geat orrot seamma stobus ja leat vástideaddji lahka ovtta geasa dávda lea njommon geavahit njálbmesuoji go leat siste almmolaš báikkiin. Berret garvit báikkiid ja lágidemiid gosa ollu olbmot leat čoahkkanan 10 jándora das rájes go maŋimuš ledjet lagašoktavuohtan.
  • Dasa lassin berret fáktet dávdamearkkaid nu guhká go iskkusáigodat bistá. Jus dutnje šaddet dávdamearkkaid, berret bissut ruovttus ja váldit iežasiskosa.
  • Lea dušše dárbu váldit iskosa mánáin vuođđoskuvlaagis dahje nuorat mánáin jus sis leat dávdamearkkat. Dát guoská maiddái dalle go sin ruovttus lea njoammu

 

Njoammuguorran

  • Jus dávda lea njommon dutnje, berret ieš addit dieđu iežat lagašoktavuođaide. Gielda sáhttá veahkehit du jus dárbbašat veahki.
  • Berret registreret positiiva iežasiskosa gildii.
  • Ráđđehus ávžžuha maiddái ahte registreret positiivva iskosa Smittestopp appii.

 

Gaska ja sosiála oktavuohta

  • Ávžžuhus doallat 1 mehtera gaskka earáide go sidjiide geaiguin orut gusto ain.
  • Ávžžuhus doallat 1 mehtera gaskka ii gusto mánáide mánáidgárddis ja mánáidskuvllas
  • Ávžžuhus doallat gaskka ii gusto olbmuide geat barget mánáiguin, nuoraiguin ja hearkkes joavkkuiguin
  • Ráđđehus ávžžuha ain ahte njálbmesuodji geavahuvvo go ii leat vejolaš doallat gaskka earáide.

 

Njálbmesuodji

  • Gohččojuvvo geavahit njálbmesuoji go ii leat vejolaš doallat unnimusat 1 mehtera gaskka earáide buvddas, gávpeguovddážiin, guossuhanbáikkiin, kollektiivajohtolagas, droššes ja stašuvnnain siste.
  • Njálbmesuodji ii gáibiduvvo go čohkká beavdeguoras guossuhanbáikkis dahje lágideamis go čohkká mearriduvvon sajis.

 

Njoammueastadanfágalaš dohkálaš doaibma

  • Njoammueastadanfágalaš dohkálaš doaibma mearkkaša ahte doaimmahat galgá fuolahit ahte lea vejolaš doallat unnimusat 1 mehtera gaskka olbmuide geat eai oru seamma stobus go don dahje geat leat vástideaddji lagaš.
  • Doaimmahagas fertejit leat rutiinnat buori buhtisvuhtii, buori buhtisteapmái ja biggoheapmái.
  • Dát doaimmahagat galget doaimmahuvvot njoammueastadanfágalaš dohkálaš vuogi mielde vai sáhttet leat rabas: Girjerádjosat, museat, biŋgohállat, bowlinghállat, vuojadanhállat, vuojadanpárkkat, sparusttegat, hoteallabasseaŋŋat, lášmmohallanguovddážat, gávpeguovddážat, buvddat, gálvomárkanat, gaskaboddosaš márkanat, guoimmuhanpárkkat, stoahkanpárkkat, speallanhállat ja sullasaš doaimmahagat.